Millet en Aran

Aran comence era setmana damb suspresa e eth besonh civic per saber ce qu'a passat. Aguesta dimenjada auem sabut qu'era fiscalia a enviat ath jutge deth cas Millet un anonim que denóncie eth pagament de comissions a quauque ajuntament dera Val d'Aran per part der ex president deth Palau dera Musica entara crompa de terrèns. Es tentacles dera trama deth saqueg a ua des institucions mès emblematiques de Catalonha arribe en Aran. Sonque cau confidar ena justícia entar esclariment des hèts, vertadèrs o faussi, pr'amor que, de confirmar-se, son pro preocupants entara credibilitat des institucions locaus, independentament der ajuntament afectat.