Eth desplegament der autogovèrn se justifique pera mielhora des servicis que prèste. Era proximitat mos a de perméter era garantia dera competéncia transferida. Èm Aran, perque, totun, bastim eth progrès entre toti, d'ençà des pròpries institucions. Sègles d'experiéncia atau ac permeten concludir, mès enlà, que tanben, deth caractèr aranés e eth sòn determinisme geografic, culturau e lingüistic.
Aué mos cau felicitar peth reconeishement qu'era Generalitat a efectuat per miei der acòrd damb eth Conselh Generau entath finançament deth Plan d'equipaments publics o Plan d'infraestructures damb ua aportacion de 4 milions d'èuros en dus ans. Un Plan gestat peth trabalh desplegat peth sindic d'Aran, Francés Boya, e eth vicesindic 1èr e conselhèr d'Administracion Publica e Finances, Rufino Martínez, en negociacion permanenta damb eth Govèrn catalan.
Era implantacion deth Conselh Generau s'a vist compensat per aguest convèni plan important qu'a de perméter adequar es equipaments basics der autogovèrn. Ua hita plan remercabla encara en contèxte de crisi economica, qu'a de besonh de mesures de reactivacion publica: òbra publica ath servici de toti.
Cap comentari:
Publica un comentari a l'entrada