Plan director umanistic

Possiblament, Aran non a agut jamès un diagnostic tan interdisciplinar e ua prepausa d'ordenacion tan fonamentada coma es que se plantegen en Plan director urbanistic. Semble un esturment rasoable, pragmatic, ambiciós totun. Era sua simpla lectura, desliurada de quinsevolh interès especulatiu, guide era perspectiva per un país mès equitatiu, dinamic e diversificat. Tot un document programatic. Dilhèu ei aquera era pòur susvenguda: era de veir-mos encoratjadi entà pensar eth país que volem, e aquerò, per paradoxau que semble, cree vertigèn a mès d'un politic, per non èster pas acostumat ad aguest noble exercici. D'aquiu eth besonh tanben susvengut pera apliacion a priori e urgenta d'un Plan director umanistic en clima de confusion induïda e partidizacion cèga. Totun, era pitjor solucion ei era non - solucion, profit tanti viatges des corrupcions qu'ara descurbim. Malurosament, eth laissez faire, laissez passer a imperat tostemp dera man de Convergéncia. E atau Ruda, e atau tantes des.hètes paisatgistiques e patrimoniaus, toristiques e economiques en conseqüéncia.