Es socialistes son fòrça satisfèts. Ager assistí ath dinar qu'eth PSC des Comarques de Lhèida aufric a toti aqueri que collaborèren ena campanha electorau. Un emocionat Jordi William destaquèc eth déuer de tot politic entà servir ath ciutadan e un non mens arregraït Quim Llena, eth conselhèr deth Pirenèu, convidèc as assistents a elaborar un discors mès contundent e clar, damb ambicion e identitat pròpria. En tot hèr autocritica per uns resultats insatisfactòris, maugrat que Lhèida siguec era demarcacion que parèc mès eth còp, eth conselhèr e prumèr secretari reivindiquèc eth papèr deth socialisme catalan entath progrès des comarques de Lhèida.Un projècte entà renauir era manèra de hèr politica coe enes sectors progressistes dera societat, que comprenen que s'a acabat era epòca des govèrns autoritaris, jerarquizadi e centralizadi. En Aran, eth pròplèu deputat e representant deth país en Parlament, Paco Boya, ne comence a dar mòstres clares deuant es formes de vielh regim deth govèrn de Barrera. Es valors dera bona governança (cooperacion, repartiment de responsabilitats, integracion) son era melhor carta de presentacion d'un nau projècte progressista entàs nòstes tèrres.
1 comentari:
Felicitats a toti es socialistes, ja auem era Generalitat, eth govèrn centrau e sonque nos manque que queigue eth conselh entà poder hèr un "país" mès sociau, non tant d'aparador e estètic coma es deth Corte Inglés.
Per un 2007 plen de victòries UNITARIES (socialistes en version aranesa...)!!!
Publica un comentari a l'entrada