Aué s'encète un cors politic de ritme frenetic, fòrça intens. En Catalonha toti es partits cauen moturs tara cita electorau der un de noveme. Mès es opcions determinantes se redusissen ara dicotomia Mas o Montilla. Semble que tot ei daurit. E pensi qu'era tornada des convergents ara Generalitat mos balharie un aute periòde gris, d'aletargament sociau e culturau que 23 ans de pujolisme an estienut pro.
Eth tripartit a protagonizat massa episòdis de tapatge inutil. Mès, campat heredament, en tansevolhe tres ans, Maragall, er alcalde des Jòcs Olimpics, a devengut eth president deth nau Estatut que convertís ar aranés en lengua oficiau tanben en tota Catalonha. ¿Quin ei eth legat de Pujol en 23 ans de govèrn?
Ua causa demòstren es executius de Convergéncia: era mediocritat, era pòga ambicion ena accion de govèrn, quan non era imprevision. ¿Bossòst?
Aran: Unitat d'Aran capitalizèc era reivindicacion nacionau d'Aran e damb UA s'aprovèren es nòrmes subsidiàries coma prumèr esturment de planificacion deth territòri. ¿Quin ei eth legat de Barrera? Senhors assessors, ja vos i podetz predar tà véner-mos era responsa. Ua auta causa ei era credibilitat que pogue aquerir entre es ciutadans.
(Coma podetz compravar, aguest ei un clar exemple d'article imparciau e nèutre, talment coma ua persona asexuada.)
Cap comentari:
Publica un comentari a l'entrada